O Goberno recorta de facto as pensións

BorgWarner en folga pola instalación de cámaras de vídeo vixiancia nos postos de trabajo

UXT presenta a campaña #PonteA1000 para esixir un mínimo salarial de 1000 euros

O Secretario de Política Sindical, Gonzalo Piñeiro, e a Secretaria Executiva Confederal, Isabel Araque, presentaron a campaña de UXT #PonteA1000, na que se demanda un mínimo salarial de 1.000 euros. Unha reivindicación que o sindicato propoñerá ás organizacións empresariais, no marco do diálogo social e na negociación colectiva, para para esixir o establecemento en todos os convenios dun salario mínimo garantido de 1.000 euros ao mes, e ao Goberno para esixir o aumento progresivo do Salario Mínimo Interprofesional ata alcanzar antes de 2020 a contía de 1.000 euros mensuais (actualmente é de 707,7 euros).

Piñeiro explicou as razóns desta reivindicación, que o sindicato acordará con CCOO: o PIB crece a un ritmo do 3,5%, os beneficios empresariais xa están nos mesmos niveis que antes da crise e aumentan os dividendos que se reparten as empresas e os soldos dos seus directivos. Con todo, os salarios medios son uns 5,4% inferiores aos de 2009 en termos reais (descontando o aumento dos prezos) e dos 15,3 millóns de asalariados do noso país, case a metade do total ten un soldo inferior a 1.000 euros netos ao mes (o salario máis frecuente é de 993 euros con 14 pagas). Ademais, dos 18.813.300 persoas ocupadas, o 14,1% está en risco de pobreza, o 30,4% non pode afrontar gastos imprevistos e o 28% ten dificultade para chegar a fin de mes.

Neste sentido, Araque sinalou que para un salario medio neto de 954 euros, o gasto esencial só en alimentación supón o 37%. Os traballadores con contrato a tempo parcial, cun salario medio mensual de 330 euros, nin sequera chegarían a cubrir este gasto.

O noso país, pola desvalorización salarial, entre outros motivos, é o país da UE (por detrás de Rumania e Grecia) onde máis creceu a pobreza entre 2011 e 2015 (+2,2 puntos)